Sam 91

Tulai a I lungsim uh hon sukha banah khatveivei hon thomhau saktheih ding natna hi’ leng khong I za in I muta uhi. Hiai lam thu gen sawm I hi kei a himahleh Laisiangthou mah pan sang in ki khamuan leng ka chi hi. Thu dang behlap tuanlou in tukal hiai Laisiangthou sim in I hunte zang leng I chi hi. Simtute tengteng Toupa’n hon ompihin hon vualzawl hen.

Sam 91
Pathian, Ei Hon Humbitpa
1Tungnungpen bukna mun a ommi Bangkim hihthei lim ah a om ding hi.
2 Toupa tungthu ah, Amah ka kihumbitna leh ka kulhpi; ka Pathian, ka muan ahi, ka chi ding.
3Aman thangkammi thang leh Hi hoihlou lak ah nang a hon hondam ding hi.
4A kha in a honkhuh ding a, A kha nuai ah na muang ding hi; A thutak pho neu leh pho lian ahi.
5Zan a thil mulkimhuai na lau kei ding a, Sun a thal leng zong na lau kei ding hi:
6Mialnuai a hi leng na lau kei ding a, Sun a thil hihsia siatna na lau kei ding hi.
7Na sik ah sang a puk ding ua, na taklam ah sing a puk ding uh; himahleh Nang honnaih kei ding hi.
8Na mit in na en ding a, migilou saloute siatna a muh in na mu lel ding hi.
9 Toupa aw, nang ka kihumbitna na hi a! Tungnungpen na omna a hi;
10Thil hoihlou in a hon tuak kei ding a, hi himhim in leng na puan in a honnaih sam kei ding hi.
11Na lampi teng a hon humbit ding in, na tungthu ah zaw a angelte thu pe ding ahi ngal a.
12A khut un hondom ding ua, huchilou in zaw na khe in suang na sui khakha ding hi.
13Humpinelkai leh gul gial na sikden ding a; Humpinelkai hatlai leh
dragon na sikden ding hi.
14Ka tung a a itna a ngak ziak in amah ka humbit ding a: ka min a theih ziak in mun sang ah ka khatou ding hi.
15Aman honsam ding a, ka dawng ding hi; mangbat lai in a kiang ah ka om ding hi:
amah ka humbit in ka pahtawi ding hi.
16Damsawtna in ka lungkim sak ding a, ka hotdamna leng ka musak ding hi.

– Thangginom Hangshing



Leave a Reply

Your email address will not be published.

*
*
*

× Direct Appointment