‘PTL’ CHI LOU IN ‘PRAISE THE LORD’ CHI ZAW NI

I tulel khovel dinmun ah, bangkim a baihsam pen, a kinthei pen leh a tom thei pen a hih vek i ut ta uhi. Internet leh Social Media in i huai dinmun pen taw-sawn mahmah a, hiai tegel zanglou a hinkhua zat diing bang taaksapna lianpi khat a ngaih theih di hial khop in i hinkhua uah i thupisak mahmah ta uhi.
Social Media (adiak a facebook leh whatsapp) bang thuhoih-lahoih genna, suutkhawmna leh ngaihdaan hoih pipi sunkhawmna ding bang in phatuam tak, kin tak leh awlsamtak in kizang hi. Fake Account zang a banglouteng gente leh Account diktak zang a banglouteng gente chu atuam himhim koih zual le’ng.
Whatsapp ngial bang chu ki hah zat petmah in, Saptuam leh Khotang kivaipuakna leh thu kin leh poimoh ki zaksakna/ kizaaktuahna ding in leng i zang changkang mahmah uhi. Huai kawmkawm in, thuman leh thumanlou toh, thutak hi’n zuau thu hitaleh, forward tamthei petmah hi. Awlmohna chi tuamtuam ahi chimai ni, piiching chiatchiat.
Huchi ahih tak ziakin, Internet lingo (pau), expression leh emoji chihte bang leng a zat dan kisin mai ngai ta hi. Aziak chu, i zatkhelh leh i gentup lehlam (opposite) khong genkhak daih in om a, kisuanlah huai pi suak sek hi. Internet ziak in i paudan leh ngaihdan genkhiakdan bang hong ki khek petmah ta a, a tom-a-laak (shortcut/ abbreviation) in i pau ziahziah ta uhi.
‘Ok’ chihna di mun ah bang ‘k’ chouh khong a ki zat chiang in ka na ning sek hi. ”O’ type na dia haksatna bangchibang tuak tel uh ade aw?’ ka chi ut phial sek. A huchih louh chiah, buai-buai a birthday ki wish na dia ‘hbd’ / ‘HBD’ (capital letters chu azia omdeuh lai) mi facebook wall hiam whatsapp group hiam a va koih khia chih bang chu, hilou deuh bang kana sa thei mahmah hi. ‘Goodnight’ or ‘Good Morning’ lah GN or GM a kaihtom hita. Changkangna dan a ngai chu ihi di ua, changkan na di huaizah lak ah hiaite pentak a changkan louh zaw, poi di’n ka gingta hetkei ka chi!
Whatsapp committee (Example: saptuam committee leh committee dangdang) group khenkhat lah chu, Vai-sai ding hiam thu-kup ding hiam hong om chiang a, kumlou a khutpi-liik (👍  ‘PTL’ CHI LOU IN ‘PRAISE THE LORD’ CHI ZAW NI 1f44d) khong a kidawn thuk khawng ahih chiang a bang chu nop khollou maw? Hou a hou lah bang hilehleng hou het lou ahi. ‘Yes’ or ‘No’ bek chu thoh khethei sek leng hoih diing hia. A khente lah group (committee groupte gen lai le’ng) a om hinazenpi a, kum ngei mawngmawng lou, ngaihdan lah sung ngeilou (a neilou bel hilou), dai dide a om in, a phatuam leng gen/support lou, ase diing leng gen/support tuan lou. Hiai bang dinmun a i theih d’ua poimoh chu, thil hoih support ngamlouh ziak a dai i hih uleh, a sia support i hi chihna ahi.
Social Media kha Pathian’ Thu leh La kupna leh puankhiakna leh forwardna diing in leng vanzat manphatak suak ta hi. Huchi lampang himhim a hong ki post chiang in, emoji tuamtuamte i zang zel uhi. Hiai ah bangzah hiam i taaklang diing a chian zawk semna di’n:
👍  ‘PTL’ CHI LOU IN ‘PRAISE THE LORD’ CHI ZAW NI 1f44d🙏  ‘PTL’ CHI LOU IN ‘PRAISE THE LORD’ CHI ZAW NI 1f64f , 😇  ‘PTL’ CHI LOU IN ‘PRAISE THE LORD’ CHI ZAW NI 1f607 , 😍  ‘PTL’ CHI LOU IN ‘PRAISE THE LORD’ CHI ZAW NI 1f60d , 👌  ‘PTL’ CHI LOU IN ‘PRAISE THE LORD’ CHI ZAW NI 1f44c🙌  ‘PTL’ CHI LOU IN ‘PRAISE THE LORD’ CHI ZAW NI 1f64c👏  ‘PTL’ CHI LOU IN ‘PRAISE THE LORD’ CHI ZAW NI 1f44f💪  ‘PTL’ CHI LOU IN ‘PRAISE THE LORD’ CHI ZAW NI 1f4aa
Hiaite zang in i na dawng thuk tangpi uhi. Huaidan in, ‘Amen’ a ngaih leh ‘Amen’ in i dawng sek hi. Huai kia hilou in, Pathian’ Nnasep thupi, lamdang leh kipahhuai thute leng tampi hong ki post zel zel hi. Huai hun chiang in ‘PTL’ chih dawnthukna ka na mu tam sim ta hi. Ka ngaihdan toh ana kituak kei sek hi. Whatapp group khat ah ‘PTL’ chih thumal ka muh masak pen in, ‘bang chihna a de aw?’ chi in ka na ngaihtuah a, huai laitak in midang khat in ‘praise the Lord’ chi in dawnthukna a hon koihkhiak beh leh, ‘Aw, PTL kha ‘Praise the Lord’ chihna ahi chih ka na man hi. A short cut a kizang tengteng poi sa law khol kei mah leng, ‘PTL’ leh GBU’ chiah chu ngaihhak kasa a, poi leng kasa hi. ‘PTL’ sang a ‘Praise the Lord’ chih type huchi tel a haksa zo hikhollou di eive. ‘Text prediction’ om zomah lai. ‘Toupa Phat In Om Hen’ chih na di’a ‘TPIOH’ va gelh di chih mawng mawng! ‘PHAT A OMPA’N a sang ut diam?’ chi ut phial ka hi.
Sam 29:2
TOUPA kiang ah a min thupina pia unla; siangthou kilawmna silh in TOUPA chibai buk un.
I Pathian Thupi leh Muanhuai, Itna, Hehpihna leh Zahngaihna a dim, Lei leh Van leh asung a om tengteng siam Pa, Sihna akipat a hon hun khia a, Ama’ Kumpigam luah ding a hon sam Pa’ Nnasep pen nang le ana phawk sam nahi chih mite na theihsak ut leh ‘PTL’ sang in ‘Praise The Lord’ chih ana zang ta mai ve ni aw? Bangkim tung a thunei Pathian phatna kamteh utsam i hihleh, a  Short-cut in zaw hih nawnlouh hamham sawm le’ng bang achi dia?
Amah thupi lua ahihman in, A Nnasep i phawkna latsak nang in leng zahtattak in thumal leh laimalte zang ta ni. Kisikhuai hetlou ding hi. Haksa hetlou zomah lai maw?
I mihing hinpihte Nnasep hoih i phawkna mite muh di’a i phoukhiak chiang in short/abbreviation in i hih ngei tel sam a! Nna manpha i kisepsak chiang un whatsapp tungtawn khong in TY (Thank You) chih chouh khong in kipahthu i ki gen ngei sam ua. ‘Hiai-huai na hih a na fel lua/non hihsak a ka kipaak lua’ chi bek ding in phone call i bawl sek vele maw , i kipahthu i genna di’n leh a hon muhdan uh a siat louh na di’n?
Pathian pen a kikhek ngeilou hi a, Thupi leh tungnung pen hi gige hi. En leng Amah Thu toh kisai leh a Nnasepte i theihpihna i phoukhiak chiang in a short cut in hih nawn kei ni. Khrist’ nungzui i hihna ua, i hih diingte lak a haksa hetlou khat ahi chih thei ni.
1 Korinthte 10:31
Huchi’n, na nek uh hiam na dawn uh hiam, na hehpeuhmah uah leng, Pathian thupina ding ngen in hih un. 
A tawpna di’n khat kon gen beh deh: Mi a dia vualzawlna i sap chiang in GBU chi nawn lou in ‘God Bless You’ chita le maw? Pathian’ Vualzawlna sapsak i hihlam ki thei ni, Nna thupi/ kampau thupi tak sam i hihlam kithei in pilvang leh zahtaat tak in hih ni.
Ahouchikchik te a kibawl i pat kei uleh, Athupite a kibawl haksa sa law kha tel diing ihi uh.
‘Khemkhem’ i chih di hong tamluat chiang a, Pathian poi khoihkha diing khelhnate le’ng ‘khemkhem’ chihsuk zel baihlam lua ahihman in, pilvan poimoh petmah hi.
Thilhoih hih sunzom zel diing in Toupa’n hon vualzawl in hatna hon pe chiat hen aw. 
– Chingngaihlian Tunglut
February 05, 2020/ Article No. 12
(Laigelh toh kisai kupbeh nuam a om leh, +919892316430 ah laigelhtu thuzaak theih diing hi.)

Leave a Reply

× Direct Appointment