John MacArthur leh MidCovid-19 Saptuam biakpiak na: Thukup saulou

John MacArthur tuh Grace Community Church te Pastor ahi a, Bible Scholar minthang tak leng ahi.

Biakna Kikhop
Hebrute bung 10 tang 25 pansan in, Pastor John MacArthur in gingtute biakpiakna(worship) leh kipolhkhawmna (fellowship) neih khom ding pen Pathian’ thu manna ahi chi hi. Huai ziak in, COVID-19 suukpi laitak himahleh, amau Grace Community Church te Pathianni teng in kikhawm dapdap gige uh hi.
Huaiziak mah in, mitampi te dotna tuh,
“Khovel kilchih a, mite akimuktuam, ki pumtuam, ki gamlaat, innsung ah a ki kulkhum lai ua, bangziak a, amau kikhop lalaih uh hiam?”
Hiai dotna Pastor John in hichi’n dawng hi.
“California state ah milip 40 million om a, official record ah Covid-19 ziak a si mi 8500 vel om, hiai tuh 0.002 % ahi, huai ziak in 99.99 change of survival chihna ahi. State pumlum va lockdown hial na ding hilou hi.” chi hi.

Ahitak in, abultung in Grace Community Church in kal 26 bang kikhopna ana dinkhol mah ahi uh hi. Himahleh, hiai bang hun haksa lak ah, saptuam mite salam leh khalam uh khotuah huailua sa in, Pathian deihdan mah ahi a ngai in Biakinn kikhopkhawmna na sunzom uh hi.

Pastor John MacArthur a thumanglou maw?
Hiai dotna pen dotna mahtoh ki dotkik masak kul e maw….

Amah Pastor John tuh khovel theih in thumanglou leh ahai bang thei mawk mah hi.
Amah mah in leng a thugenna khat ah, “kou te a haite hi ung,” chi in lungtai tak in nui veva lel hi.
Kros thu zaw mangthang lelte a di’n haina ahi ngal a; eite hotdam lelte a di’n bel Pathian thilhihtheihna ahi zaw hi.[1 Kor. 1:18]

Theological basis(Pathianthu Kingakna)
Gingtute biakpiakna (worship) leh fellowship(kikhopkhawmna) toh kisai Pathianthu a ki ngakna te:
1. Jesu TOUPA hi. Jesus is LORD (Acts 2:36, Rom.10:9-13)
2. Saptuam lutang Jesu ahi. Christ is the head of the Church (Eph 1:22; 5:23; kol 1:18)
3. Jesu KUMPI hi. Jesus is king.
Amah tuh, khovel vaihawmtu tengteng tung a vaihawm Kumpi ahi. (1 Tim 6:15; Kil 17:14; 19:16)

Pastor John MacArthur in, Jesu TOUPA ahihna a thupi ngaihmahmah hi.

“Pathianthu(Bible) ah kinga leh Pathian thupiak ah pialngeilou Saptuam Pawlpi ka hi uh a, huaiziak in, ka Saptuam Pawlpi biakkhomna uh hong dal, solkal thupiak zuile ung, a vanglian ka TOUPA thumanglou hi ding uh kahi” John MacArthur (Heb. 10:25)

Christian te ading in Jesu Toupa (LORD) hi a, mihing sang in Toupa thu I mang zawk uh a ngai mah ahi.

Sawltak Paula in
Galatiate:1:10 ah “Ahihleh, tu’n mihing deihsakna hia ka zon Pathian a? Ahihkeileh, mihing ahi maw lungtaisak ta tup? Mihing nana lungtaisak lai hitaleng, Khrist sikha ka hi kei ding” chi ta ngel mah e.

eileh ei, ana ki dong zual le, Vanglian Jesu I hondampa in I sang na uh maw? Ahihleh, TOUPA(Lord) leh KUMPIPA(King) in I pom ta uh hia?

Persecution
California State Governor Gavin Newsom in Covid-19 preventives guideline paulam in, Kikhopkhomna (Crowd gathering) khamna a bawl pen, Pastor John in nial neknek a, “mihingthu sang in Pathianthu ka mang zaw ding hi, “ chibilbel hi. Pastor MacArthur tuh, Pathianthu amanziak a, Jail bang zuut angaih leh zong phamoh asa vetlou khat ahi.

Huan, amah mah in, mi tengteng kiang ah, kuapeuh in hon zuih a ut leh, amah kingaihsak lou in, niteng a kros pua in hon zui hen.[Luka:9:23]

Sawltak Paul in Philippite:3:8b ah…
“Huan, thil tengteng ninneng bang phet in ka sim a Khrist ka tan theihna ding in a chih toh na ki tuak sawnsawn.

Ei mimal takin ki en le, Pathian min in bang i tan ngam mah dia aw…. chi tuh hong ki ngaihuahsak mahmah ve…!!!

Government thupiak akalh ziak leh laisiangthou thutak ah a din ziak in, mite dem a loh hi.
Huai ziak in Galatiate 1:10 ah Paula in “Ahihleh, tu’n mihing deihsakna hia ka zon Pathian a? Ahihkeileh, mihing ahi maw lungtaisak ta tup? Mihing nana lungtaisak lai hitaleng, Khrist sikha ka hi kei ding.” ana chi na mah.

MidCovid-19 hun ah, State thupiak palsat a, Pathianni teng ana ki khop ziak un, Pastor John MacArthur leh L.A Governor tuh Court ah bei zek uh a, a tawp in, Court in Grace Community Church Kikhomkhawm theina phalna na pia diah hi. Pathian muan huaina aki mu mahmah!!

[Hun tuibang kiam in mualkhum zel, Lei thiltangtawn daih omlou; Tangtawn thil te kia lamen in, Pathian khut muanhuai len in
Len in, Pathian khut len in, Len in,Pathian khut len in, Tangtawn thilte kialamen in, Pathian khut muanhuai lenin.]

Hiai bang ah persecution tuah hun a, a gam(Country) dungzui ah legal right toh kituak a, I dou(fight) ding uh ahih dan zillai imu thei uh hi.

Etsakna ding in, amau America ah teng ten, US Constitution, First Amendment, “freedom of speech, expression and religion” pia ahih ziak in, chiklai peuh in, kikhoptheihna right nei uh hi.

Kupbehna
Pastor John MacArthur ahihleh Bible scholar ahih mah bang in, a teaching leh theology a paipih tang pi deuh om a, kei mimal tak in, amah teaching te ka pomvek kei hi.

Himahleh, gingtute biakkhopna toh kisai ah, laisiangthou ah, aki bulphuhna, thutak ah a ding ngamna, phathuai kasa a, Pathian kiang ah thupina ka pia ahi.

MidCovid-19 hun ah Gingtute Kikhopna
(1) A hun leh a munzil I chi ding a, tu Pandemic hun in, saptuam Pawlpi tamzaw in, biakpiakna ZOOM leh YouTube ua, online tungtawn in kikhom uh a, Pastor te’n a gaal in a belamte ching uh hi.

(2) Huai bang kal ah, “gingtute taksa mahmah ki thuahkhom leh ki khopna (fellowship) mah” ana chi pawl te’n, ki punkhom theihna na ah ki khom lalaih in biakpiakna nei uh hi. Pastor John MacArthur zong kikhopkhawmna(fellowship) ngaipoimoh; ban ah, a tuching te salam leh khalam uh awlmoh mahmah khat ahihi.

Hiai ah tulai gingtute kikhopna dan chinih i gen te ahoih tuak tuak hi.
Himahleh, akhatna sang in a nihna pen Liangsiangthou toh ana ki tuak zaw hi.

Thukhitna ding in, Pastor John MacArthur in, a thugelh “CHRIST, NOT CAESAR, IS HEAD OF THE CHURCH: A Biblical Case for the Church’s Duty to Remain Open” na ah,  Khovel kilchih a gingtute kiang ah vaikhak hong nei hi. Huai tuh,

Stand with us in support of the biblical mandate to gather for corporate worship. John MacArthur

Bang chi’n I dawngthuk diale?

********
Feel free to share
(Laigelh toh kisai kupbeh nuam omleh, laigelhtu +917892475073 ah thuzaak theih diing hi.)

©thangliankhup (Couns.Psychologist) 24/08/20
Email: k.neihkhup@gmail.com
https://www.facebook.com/Hand-Span-International-Ministries-283333148837348/

References:https://thefederalist.com/2020/08/21/court-affirms-right-of-california-church-to-meet-indoors/
https://youtu.be/vXqvbm39VO8

CHRIST, NOT CAESAR, IS HEAD OF THE CHURCH: A Biblical Case for the Church’s Duty to Remain Open https://www.gracechurch.org/news/posts/1988



Leave a Reply

Your email address will not be published.

*
*
*

× Direct Appointment